3 лютага ў школьнай бібліятэцы адбылося літаратурнае падарожжа, для вучняў 10 класа, прысвечанае 100-годдзю з дня нараджэння аўтара «Палескiх хронік». Іван Мележ - лаўрэат шматлікіх літаратурных і дзяржаўных прэмій аўтар раманаў, аповесцяў і апавяданняў, п'ес, сцэнарыяў да тэлеспектакль, кінасцэнарыяў. Вучнi пазнаёміліся з біяграфіяй і творчасцю пісьменніка, здзейснілі віртуальнае падарожжа ў дом-музей д.Глинище Хойніцкага раёна Гомельскай вобласці, на Радзіме пісьменніка. Паглядзелі дакументальны фільм Аляксандра Анісімава «Туманы над багнаю» (Дэпартамент па кінематаграфіі Міністэрства культуры РБ і Беларускі відэацэнтр 1985). Буктрейлер да кнігі І.Мележа «Людзi на балоце».

Будзем спадзявацца, літаратурнае падарожжа прывядзе юных чытачоў да кніг Івана Мележа, якія сталі сапраўднай нацыянальнай эпапеяй, энцыклапедыяй народнага жыцця, крыніцай выхавання патрыятызму і любові да роднай мовы, гісторыі і культуры Айчыны.